АҚШ-та аяздан 13 адам қаза тапты

АҚШ-тың солтүстік-шығысында қалың қар түсіп, боран соқты. Аяз да күшейген. Суық ауа райынан 13 адам қаза тапты. Олардың алтауын үсік шалған. Нью-Йорк және Бостон қалаларында басты көлік жолдары жабылып, мектептер уақытша жұмысын тоқтатты. Мыңдаған әуе рейстері кейінге шегерілген. Қала әкімшілігі тұрғындарға жолға шықпауға кеңес берді. Ондаған мың адам жарықсыз қалған. Мұнда жел сағатына 85 шақырым жылдамдықпен соғып тұр. Келеңсіз ауа райына орай Нью-Йорк штатында төтенше жағдай жарияланды.

Арай ТӨЛЕГЕНҚЫЗЫ