Жаңалықтарды Telegram арнамыздан оқыңыз!Мексиканың солтүстігіндегі түрмеде төбелес шығып, 13 адам қаза тапты. Тағы 8 адам ауыр халде ауруханаға түскен. Құрбандардың саны әлі де өсуі мүмкін. Жергілікті Ұлттық қауіпсіздік өкілдігінің дерегі бойынша, оқиға Нуэво-Леон штатында Кадерейта қаласында болған. Абақтыда екі қарсылас топ арасында жанжал шығып, сотталғандар бір-біріне қол жұмсаған. Құқық қорғаушылар төбелесті басу үшін қару қолдануға мәжбүр болды.
Айта кетейік, соңғы кездері Мексикада қылмыстық оқиғалар күннен-күнге көбейіп келеді. Сондықтан, түрмелер есірткі тасымалдаған, зорлық-зомбылық, ұрлық жасаған адамдарға лық толы. Естеріңізге салсақ, биыл шілде айында Акапулькодағы түрмеде дәл осындай бүлік кезінде 28 адам мерт болған еді.
Мақпал СЕРЖАНҚЫЗЫ
