Барселонада шеруге ондаған мың адам қатысты - «Qazaqstan» Ұлттық телеарнасы

Барселонада шеруге ондаған мың адам қатысты

09.10.2017

Барселонада ондаған мың адам Испанияның тұтастығын сақтап қалу үшін акцияға шықты. Халық Каталонияның тәуелсіздік алуына қарсы. Демонстранттар «Каталония – бұл Испания» деп ұрандатты. Олардың көбі ту ұстап, плакаттармен шыққан. Таяуда елдің бірнеше қалаларында осындай шерулер өткен еді, олардың қатарында Мадрид те бар.

Айта кетейік, Каталонияда қазанның 1-де референдум өтіп, қатысушылардың шамамен 90 пайызы Испаниядан бөлінуді қолдаған. Ал, испан премьері Мариано Рахой бұған жол бермейтіндіктерін ескертті. Бірақ, болжам бойынша бұл провинция жеке мемлекет болғанын бүгін хабарлауы тиіс.

 

Мақпал СЕРЖАНҚЫЗЫ

Хабарламаларға жазылу