Жаңалықтарды Telegram арнамыздан оқыңыз!Сурет салатын қылқаламды жууға арналған ыдыс Гонконгтағы «Сотби» аукционында қомақты сомаға сатылды. Ол осыдан 900 жыл бұрын қытай фарфорынан жасалған. Атын атамауды жөн көрген адам көгілдір түсті ыдысты 37 миллион 680 мың долларға сатып алды. Бәстесу 20 минутқа созылған.
Ыдыстың қымбатқа бағалануының бір себебі – ол Сун династиясы кезінде империя пешінде жасалған. Сол пеште бұйым жасауға 20 жыл уақыт кетіп отырған.
Айта кету керек, бұған дейін, яғни, 2014 жылы дәл осы аукционда қытайлық ыдыс 36 миллион долларға сатылып, рекорд орнатылған еді.
Арай ТӨЛЕГЕНҚЫЗЫ
