Бельгиядағы Солтүстік теңізден соғыста суға батқан сүңгуір қайық табылды

Бельгиядағы Солтүстік теңізден Бірінші дүниежүзілік соғыс кезінде батып кеткен немістердің сүңгуір қайығы табылды. Қайықта экипаждың 23 мүшесінің денесі де бар, - дейді ғалымдар. 30 метр тереңдікте жатқан қайықтың алғашқы суреті мен видеосы жарияланды.

Бельгия үкіметі «авантюристер кемені тонап, сынықтарын қолды етеді», -деген күдікпен оның нақты қай жерде жатқанын айтпай, құпия ұстап отыр. Ғалымдардың мәліметінше, UB-II үлгісіндегі қайық соғыс кезінде түйіспелі мина тиіп, суға батқан. Ұзындығы - 27, ені - 6 метрлік су көлігінің салмағы 270 тонна болуы мүмкін, - дейді мамандар. Қазір Бельгиядағы Германия елшілігі экипаж мүшелерінің кім екенін анықтауға кірісті.

Нұрсұлу ҚАСЫМ