Вьетнамда су тасқынынан 14 адам қаза тапты

Вьетнамда алапат су тасқынынан 14 адам қаза тапты. Құрбандардың саны әлі де өсуі мүмкін. Үздіксіз жауын мен тасқын соңы лай көшкініне ұласқан. Жергілікті бұқаралық ақпарат құралдарының мәліметінше, табиғи апаттан елге 1,27 млн доллар шығын келді. Билік тұрғындарға су басқан жолдарда көлікпен жүрмеу қажеттігін ескертті.

Ал, Жапонияда дамылсыз нөсерге байланысты бір қаланың 74 мың тұрғыны қауіпсіз жерге көшіріліп жатыр.

Арай ТӨЛЕГЕНҚЫЗЫ