Жаңалықтарды Telegram арнамыздан оқыңыз!Бельгия, лаңкестікпен күресте Қазақстанмен күш-жігер жұмылдыруға мүдделі. Бұл туралы Бельгия мұсылмандарының атқарушы комитетінің Президенті Салах Эшаллауи мәлімдеді. Мұсылмандардың басшысымен Брюссельде еліміздің дін істері және азаматтық қоғам министрі Нұрлан Ермекбаев арнайы кездесті. Кездесуде екі елдің дін саласындағы тәжірибелері сөз болып, Ислам атын жамылған теріс ағымдармен күрес жайы талқыланды. Салах Эшаллауи Қазақстанда бейбіт өмір сүріп жатқан түрлі дін өкілдерінің татулығына қызығып, елдің Сириядағы ахуалды реттеуге арағайындық етуіне жоғары баға берді.
Нұрсұлу ҚАСЫМ
