Қазақстанда машина жасау саласы өркендеп келеді

01.10.2014
Қазақстанда машина жасау саласы өркендеп келеді

Биыл Қазақстанда машина жасау саласы бойынша 1 триллион теңгенiң өнiмi өндiрiледі. Бұл туралы бүгiн «Қазақстанның машина жасаушылар одағы» басқармасының төрағасы, Мәжіліс депутаты Мейрам Пішембаев мәлiмдедi.

Оның айтуынша, машина жасау саласы 2010 жылдан бастап қарқынды дамып келеді. 2009 жылы Қазақстандағы машина жасаушылар 280 миллиард теңгенiң өнiмiн шығарса, индустрияландыру бағдарламасы бойынша 2015 жылға арналған мақсатты индикатор 580 миллиард теңге.

Яғни, 2010 жылдан бері машина жасау саласындағы өндіріс көлемі 300 миллиард теңгеден 853,9 миллиард теңгеге дейін өскен.

Жалпы еліміз бойынша машина жасау саласында 283 ірі кәсіпорын жұмыс істейді. Оның 70-і мемлекеттік бағдарлама аясында іске қосылған.

Индира БЕГАЙДАР

 

 

Хабарламаларға жазылу