Басты Жаңалықтар Гондурас тұрғындары АҚШ-қа қашып жатыр

Гондурас тұрғындары АҚШ-қа қашып жатыр

24.06.2014 05:30

Зорлық-зомбылық, есірткі саудасы, адам өлімі жиі тіркелетін Гондураста көптеген елді мекен қаңырап, ұрыс алаңдарына айналған.

Тұрғындар АҚШ-қа қашып жатыр. Олар елде өз бақылауын орнату үшін жауласып жатқан қылмыстық топтардың әрекетінен, кедейшіліктен әбден қажыған.

Үкіметтік емес ұйымдардың дерегінше, жыл сайын Орталық Америкадағы елден Құрама Штаттар шекарасына 100 мыңдай мигрант өтеді екен.

Көрші елде тыныш өмір іздейтіндер арасында кішкентай балалар көп. Соңғы жарты жылда 50 мыңға жуық бала ата-анасынсыз АҚШ аумағына қашқан.

Билік, әскерилер мен полиция 8,5 миллион халқы бар мемлекетте тәртіп орнатуға қауқарсыз. Есірткі саудалайтын қылмыстық топтардың қолынан күн сайын 20-ға жуық адам қаза табады екен.

Арай ТӨЛЕГЕНҚЫЗЫ

Автор

Арай Төлегенқызы

Бөлісу