Жаңалықтарды Telegram арнамыздан оқыңыз!Бір апта бойы бос тұрған Қаржы министрінің лауазымына Елбасы Жарлығымен Әлихан Смайылов тағайындалды. Әлихан Асханұлы Смайылов 1972 жылы туған. 1994 жылы әл-Фараби атындағы Қазақ мемлекеттік ұлттық университетін «қолданбалы математика» мамандығы бойынша тәмамдаған. Мемлекеттік басқарудың магистрі дәрежесіне ие. Алғашқы жұмыс орны «А-инвест» инвестициялық-жекеменшік қоры. Кейін Статистика агенттігінде басқарма басшысының орынбасары, басқарма басшысы қызметтерін атқарған. Сондай-ақ, Ұлттық экономика министрлігінің Статистика бойынша комитетін де басқарған. Ал, 2015 жылдан бастап бүгінге дейін Президенттің көмекшісі болып келген.
Альбина ӘШІМ
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
