Елбасы Ұжымдық қауіпсіздік шарты ұйымының мерейтойына орай мемлекетаралық «МИР» телеарнасына сұхбат берді

10.04.2017

Қазақстан Президенті Ұжымдық қауіпсіздік шарты ұйымының мерейтойына орай мемлекетаралық «МИР» телеарнасына сұхбат берді. Мемлекет басшысы Ұйымның өңірлік қауіпсіздікті қамтамасыз етудегі рөлі, институционалдық дамуы және бұл үдерістерге Қазақстанның қосқан үлесі жөніндегі сауалдарға жауап берді.

Сұхбат барысында Нұрсұлтан Назарбаев аймақтағы жаңа сын-қатерлер мен қауіптерге қатысты өз ойын ортаға салды. Оған қарсы Ұжымдық қауіпсіздік шарты ұйымы аясында күресудің ұжымдық шаралары туралы әңгімеледі.

Сондай-ақ, Қазақстан Президенті Ұжымдық қауіпсіздік шарты ұйымы мен НАТО-ның ерекшелігіне қатысты пікір білдіріп, бұл ұйымдардың сипаты мен құрылуындағы міндеттерінің айырмашылықтарына тоқталды.

Хабарламаларға жазылу