Мемлекет басшысы: Халықты баспанамен қамту саласы  басты назарда қалады  

Бұл туралы Мемлекет басшысы жылсайынғы Қазақстан халқына Жолдауына қатысты мәлімдемесінде айтты. «Ертең, 31 қаңтарда ақпарат құралдарында менің халыққа Жолдауым жарияланады. Мен биылғы Жолдауымда ел дамуына тың қарқын беретін жаңа бағдарды ұсынбақпын.

Басты тақырып «Қазақстанның үшінші жаңғыруы» деп аталады. Ол еліміздің экономикалық дамуының инновациялық өзегіне айналып, бәсекелестік қабілетін арттыра түсуі тиіс. Біз сандық технологияларға негізделген болашағы зор бағыттарға айрықша мән беретін боламыз.

Білім беру, денсаулық сақтау, халықты әлеуметтік қорғау, баспанамен қамту сияқты маңызды салалар басты назарда қала бермек», деді Елбасы.