Сыртқы істер министрі 2016 жылды қорытындылады

Сириядағы террористік топтардың қатарында соғысып жүрген Қазақстан азаматтары заң талаптарына сай жазаланатын болады. Олардың елге келіп, террористік ұйымдарды насихаттауына жол берілмейді. Бұл туралы бүгін Сыртқы істер министрі Ерлан Ыдырысов орталық коммуникациялар қызметінде өткен брифингте мәлім етті.

Оның айтуынша, қазір Ұлттық қауіпсіздік комитеті, Ішкі істер министрлігі және терроризмге қарсы орталықтар жағдайды толық бақылауда ұстап отыр. Сыртқы ведомства басшысы биыл министрліктің атқарған жұмыстарын қорытындылап, Қазақстанның халықаралық аренадағы саяси белсенділігіне тоқталды.