Сенат Бас прокурорды тағайындауға келісім берді

Конституцияға сәйкес, тағайындауға келісім беру Сенаттың ерекше қарауына жатады.

Бүгін Парламент Сенатының жалпы отырысында депутаттар Жақып Асановты Бас прокурор қызметіне тағайындау туралы Президент ұсынысына келісім берді. Конституцияға сәйкес, тағайындауға келісім беру Сенаттың ерекше қарауына жатады.

Президенттің Жарлығымен сәуірдің 25-і күні Жақып Асанов Бас прокурор болып тағайындалды. Жалпы отырыста Елбасының ұсынысын Президент әкімшілігінің басшысы Нұрлан Нығматулин оқып берді. Сенат депутаттары Бас прокурорды тағайындауға келісім беру туралы қаулыны бірауыздан мақұлдады.

Жазира ДОСМАҒАНБЕТ