Сенат төрағасы Қасым-Жомарт Тоқаев ресми сапармен Ресейге барды

20.05.2015
Сенат төрағасы Қасым-Жомарт Тоқаев ресми сапармен Ресейге барды

Қасым-Жомарт Тоқаевты ресейлік әріптесі Валентина Матвиенко арнайы қарсы алды. Тараптар екіжақты кездесу өткізіп, өзара әріптестіктің көкейтесті тұстарын талқылады.

Ресми сапары кезінде Сенат төрағасы Ресей Федерация Кеңесінің жалпы отырысында кең көлемді баяндама жасады.

Бұл Ресей Парламентінің тарихында екінші рет болып тұрған оқиға. Бұған дейін тек қана Франция Парламентінің жетекшісі жалпы отырыста сөз алған.

Жоғарғы палата жетекшісі Ресей сыртқы істер министрлігінің дипломатиялық академиясында да болып, Қазақстан халықаралық әріптестігінің басты бағыттары туралы дәріс оқыды.

Сапар барысында Қасым-Жомарт Тоқаев бастаған Сенат делегациясы, Кремль қабырғасындағы белгісіз сарбаздың басына гүл қойды.

 

Нұртас СОЛТАНҰЛЫ

Хабарламаларға жазылу