ҚР Сенат төрағасы Мәскеуге жұмыс сапарымен барды

Еуразиялық экономикалық одақ туралы келісім толыққанды іске асу үшін ұйымға мүше мемлекеттердің Парламенттері 100-ден аса нормативті-құқықтық актілер қабылдауы керек. Бұл туралы Сенат төрағасы Қасым-Жомарт Тоқаев пен Ресей Федерациясы Федералды Жиналысы Федерация Кеңесінің төрағасы Валентина Матвиенконың кездесуінде айтылды.

Мәскеу қаласына жұмыс сапарымен барған еліміздің Жоғарғы Палата спикері өзінің ресейлік әріптесімен бірге екіжақты қарым-қатынастардың барысын талқылады. Әңгіме барысында Валентина Матвиенко Қазақстанды Ресейдің ең жақын әрі сенімді серіктесі, стратегиялық әріптесі деп атап өтті. Сонымен қатар, ол жақында елімізде өткен Сенат депутаттарының сайлауына жоғары баға берді.

Нұртас СОЛТАНҰЛЫ