![Армения Кедендік одаққа кіруге 50 пайыз дайын](https://cdn.qazaqstan.tv/old/articles/6/article_66806.jpg?w=928&h=522&format=jpg&resize=aspectfill&g=center)
Армения Республикасы Еуразиялық экономикалық кеңес пен Кедендік одаққа кіруге 50 пайыз дайын. Бұл туралы бүгін Еуразиялық экономикалық кеңестің кезекті отырысында вице-премьер Бақытжан Сағынтаев мәлімдеді. Оның айтуынша «Жол картасы» жобасы аясында армяндар тарапы бірқатар жұмыстар атқарған. Енді ағымдағы жылдың мамыр айында жобаны толықтай жүзеге асыруды көздеп отыр.
Сондай-ақ, жиын барысында мемлекеттер арасындағы өнеркәсіп пен агрокешенді өндірістегі қарым-қатынасты одан әрі дамыту мәселелері талқыланды. Сонымен қатар Кедендік одаққа мүше мемлекеттердің қаржы нарығының даму бағыты безбенделіп, интеграциялық бірлестікті нығайту саясаты сараланды.
Бақытжан Сағынтаев, ҚР Премьер-Министрінің бірінші орынбасары:
Негізі көп талқылауға түскені - функционалдық жағдай. Біз бәсекелестік саясаты, салық саясаты, өндіріс саясаты, агрокешен өндірісіндегі саясат сондай-ақ, басқа да саланың мәселелерін талқылаудан өткіздік.
Айдана ҮСЕНБАЙ
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Армения Кедендік одаққа кіруге 50 пайыз дайын&mh_tags=Qazaqstan&mh_page=https://qazaqstan.tv/news/66395/)