Жаңалықтарды Telegram арнамыздан оқыңыз!Табыс табу үшін келген мигранттардың басым бөлігі - өзбекстандық. Бес күнге созылған «Мигрант» жедел профилактикалық шарасы кезінде еліміздің көші-қон заңнамаларын бұзған 442 азамат анықталды. Олардың барлығының кінәсі толық дәлелденіп, заң алдында жауапқа тартылды. 51-не әкімшілік айыппұл салынып, тағы 84-і қамауға алынды.
Сондай-ақ, құқықбұзушылардың 14-і сот шешімімен ел аумағынан шығарылса, 89 шетелдіктің Қазақстан аумағында болу мерзімі қысқартылды. Жалпы, өткен жылы, көші-қон қызметі басқармасы осындай 2 879 әкімшілік құқықбұзышылықты анықтаған. Оның ішінде 8 жайтқа қатысты қылмыстық іс қозғалды.
Жәнібек Мырзалиев, қалалық Көші-қон қызметі басқармасының ерекше тапсырмалар бойынша аға инспекторы:
- Оның ішінде шетелдіктермен 2 526 тұлға әкімшілік жауапкершілікке тартылған. Осы атқарылған іс-шаралар нәтижесінде жергілікті бюджетке 9 миллион 904 мың теңге айыппұл өндірілді.
Ғани ҚАЛМАХАНОВ
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
