Жаңалықтарды Telegram арнамыздан оқыңыз!Маңғыстауда тарихи-мәдени ескерткіштердің онлайн картасы мен мобильді жүктемесі іске қосылды. Бұл туристер үшін аса қолайлы. Бірнеше тілде жасалған карта көмегімен саяхатшылар тарихи орындарды ешкімнің көмегіне жүгінбей-ақ оңай тауып жатыр. Жоба - Елбасы Жолдауындағы «Цифрлы Қазақстан» бағдарламасы аясында жүзеге асты. Онлайн картаға әзірге 30 ескерткіштің мекен-жайы енгізілген. Оның 15-і республикалық деңгейдегі туристік орындар. Жалпы, өңірде 12 мың тарихи-мәдени ескерткіш бар. Оның 600-ге жуығы мемлекеттің қорғауында.
Бекболат Төлегенұлы, Маңғыстау мемлекеттік тарихи-мәдени қорығының бөлім жетекшісі:
- Көптеген ескерткіштер біздің далалық жерде орналасқандықтан интернетке қосылу мүмкіндігі жоқ. Сондықтан, осы бағдарлама аясында кваркодка 20 ескерткіш, интерактивті тақтаға 30 ескерткіш енгіздік. 3 тілде көруге болады.
Аягөз ОРАЛБАЙҚЫЗЫ
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
