Жаңалықтарды Telegram арнамыздан оқыңыз!Шығыс Қазақстан облысының Жарма ауданында Ұлттық домбыра күніне арналып ескерткіш ашылды. Қалбатауда қойылған ескерткіштің авторы - семейлік жас мүсінші Нұрбол Қалиев. Шыны пластиктен жасалып, сырты қола түстес бояумен әрленген туындының биіктігі 7, ені 3 метр. Қасиетті қара домбыра - қазақтың рухы, болмысы. Ұлттық аспапты дәріптеу арқылы ұлттық өнерімізді, мәдениетімізді насихаттаймыз, елдігімізді әлемге паш етеміз. Бұл күндері Қалбатауда аймақтық күй-тартыс фестивалі ұйымдастырылды. Осылайша, Семей, Көкпекті және Жарма аудандарының күйшілерінен құрылған өнер ұжымдары орталық алаңға жиналған жұртқа естен кетпес ерекше кеш сыйлады.
Нұрбол Қалиев, ескерткіштің авторы:
- Нағыз қазақ қазақ емес, нағыз қазақ домбыра дегендей, қазақпен біртұтас жалғасқан нағыз өзіміздің аспабымыз деп білеміз. Сол идеядан алып, бірге үйлестірдік.
Үмітжан Қалиева, ҚР Мәдениет қайраткері:
- «Рухани жаңғыру» деген осы. Кеңес Одағы кезінде домбыраны менсінбеген уақыт та болған. Қазір домбыра деген біздің асыл мұрамыз.
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
