Басты Жаңалықтар Отандық кәсіпкерлер ЕЭО-ға мүше елдер кәсіпкерлерімен бәсекелесе ала ма?

Отандық кәсіпкерлер ЕЭО-ға мүше елдер кәсіпкерлерімен бәсекелесе ала ма?

17.04.2014 05:30

Қазақстандық кәсіпкерлер Еуразиялық экономикалық одаққа мүше елдердің кәсіпкерлерімен терезесі тең бола ала ма? Үш ел арасында еуразиялық экономикалық одақ құрылады дегеннен бері жұртшылықты осындай мәселелер алаңдатады. Алайда мамандар тегеуріні мықты отандық кәсіпкерлердің кез келген елмен бәсекеге түсе алатынын айтады.

Сейілбек Асанов, Астана қаласының тұрғыны:

Еуразиялық экономикалық одақ құрылғаннан кейін отандық кәсіпкерлер Ресей мен Беларусь мемлекеттерінің кәсіпкерлерімен бәсекеге түсе ала ма?

Азат Перуашев, ҚР Парламенті Мәжілісінің депутаты:

Біз бәсекелестікке лайықты, қабілетті болып келе жатқан компанияларды қолдауымыз керек және де олардың тәжірибесін зерттеуіміз керек. Насихаттау керек. Экономиканың басты мақсаты - бір ғана кәсіпкерді бай қылу емес. Біз бүкіл елімізді лайықты өмірге жеткізуіміз керек.

Сәуле АЛДАМҰРАТҚЫЗЫ

Бөлісу