Жаңалықтарды Telegram арнамыздан оқыңыз!Алматы облысының Талғар қаласында орналасқан «Kaspi bank» бөлімшесіне қарақшылық шабуыл жасалды. Оқиға бүгін таңертең болған. Бетперде киген белгісіз 2 адам 2 қызметкер отырған бөлмеге төбеден түседі. Банк бөлімшесінің бейнебақылау камераларына түсіп қалған шабуыл тура бір шытырман оқиғалы фильмдегідей әсер қалдырады. Екі қызметкерді байлап тастап, қаржыны қолды қылғандар ізін суытып үлгерген. Қазір Қылмыстық кодекстің 192-ші бабы «қарақшылық» бойынша іс қозғалып, тергеу амалдары басталды. Ал, банк өкілдері ұрланған қаржы көлемін анықтап жатыр.
Амангелді СЕЙІТХАН
