Бүкіл елді дүрліктірген Ақтөбедегі террорлық актіге 1 жыл болды

Ұйымдасқан қылмыстық топ өкілдері «Паллада» және «Пантера» қару-жарақ дүкендеріне басып кірген. Сатушыларды өлтіріп, қаруланып алған олар іле-шала Ұлттық ұланның 66/55 әскери бөлімшесіне шабуыл жасады. Осы оқиға барысында террористердің қолынан 3 әскери қызметші мен 4 бейбіт тұрғын қаза тапты. 7 әскери қызметші және 12 полиция қызметкері жараланып, 40-тай адам зардап шекті. Бір аптаға созылған антитеррорлық операцияда 9 күдiктi ұсталып, 18 экстремист өлтірілді. Кейіннен салафизм ағымы өкілдерінің «ДАИШ» террорлық ұйымы идеологтарының пәтуасымен «жиһад» жасаймыз деп қолдарына қару алғаны белгілі болды.