Алматы облысында екі ауылды су басты

Алматы облысында қатты нөсер жауып, екі ауылды су басты. Панфилов ауданындағы Көктал және Әулиеағаш елді мекендерінің көшелері толассыз жаңбырдан кейін көлге айналды. 11 үй мен 50-ге тарта аулаға су кірген. Ағынды су Әулиеағаш ауылында бір көпірді шайып кетті. Қазір апаттың салдарын жою жұмыстары жүргізіліп, келтірілген шығын есептелуде. Құлаған ғимарат пен зардап шеккендер жоқ. 

Қуаныш ҚАНАТҰЛЫ