Қостанайда шағын аудан 4 күннен бері суық сусыз отыр

Апат орнында 7 техника мен екі бригада жұмыс істеп жатыр.

Қаңтардың соңғы күні Қостанайда құбыр жарылып, бірнеше көпқабатты тұрғынүй суық сусыз қалғанын өткен хабарымызда айтқанбыз. Мамандар ақау жөнделіп, 1 ақпан күні кешке жағдай қалыпқа келеді, деп сендірген еді.

Алайда шіріген құбыр үсті-үстіне жарылып, тұрғын үйлерге су беру тағы тоқтатылды. Сонымен, жөндеу жұмыстарының жүріп жатқанына төртінші күн. Қазір 30 көпқабатты тұрғын үй мен қалалық аурухана, бір мектеп суық судан ажыратылды.

Дәуренбек ӘБДІБЕК