Жеміс-жидекті үнемі пайдаланған абзал

Қазақ тағамтану академиясының президенті Төрегелді Шарманов осылай дейді.

Ағзадағы дәрумендердің жетіспеуі салдарынан елімізде анемия, темір, йод тапшылығы, семіздік аурулары көбейіп отыр. Бұл туралы бүгін Қазақ тағамтану академиясының президенті Төрегелді Шарманов мәлімдеді.

Ғалымның айтуынша, кез келген жастағы адамның көкөніс пен жеміс-жидекті жегені дұрыс. Еттен бас тартуға да болады. Қызыл ет қауіпті, ақ ет, мысалы құс еті мен балықты жиі пайдалану керек.

Сондай-ақ, қазы жеп, қымыз ішіп өскен ұрпақтың дені сау болады. Ал дүкен сөрелеріндегі ұзақ уақыт сақталатын сүттер зиянды. Әсіресе, балалардың аңсары ауып тұратын фаст-фуд пен газдалған сусындарды көп ішуге болмайды. Қуырылған тамақ пен тәттілерді азайтқан жөн, деп санайды мамандар.

Ләззат БЕКТАС