Қостанай облысында тұратын Төлегеновтер отбасы сегіз баланы бауырларына басқан

Қостанай облысындағы Алтынсарин ауылында тұратын ерлі-зайыпты Төлегеновтер ата-ана қамқорлығынсыз қалған сегіз баланы бауырларына басып, әкелік, аналық махаббаттарын сыйлап отыр.

Өздерінің ұлын қосқанда бұл отбасында қазір 9 бала бар. Ерлі-зайыптылар олардың ешқайсысын бөліп-жармайды.

Отағасы Нұрлан жүргізуші, жұбайы Гүлжаухар мектепте мұғалім.

Жұмысбасты болса да, олар бала тәрбиесіне көп көңіл бөледі. Бәрін еңбекққор, адал азаматтар етіп өсіруге тырысуда. Сондықтан, балалар жеке өмірде де, спортта да жетістіктерге жетіп жүр.

Дәуренбек ӘБДІБЕК