Алматы облысындағы Елтай ауылдық округінде жылыжай жұмыс істеп тұр

Бес реформа міндеттерінің орындалуына бүгінде Алматы облысы Елтай ауылдық округінің әкімдігі де белсенді атсалысуда.

Аталған елді мекен жұртшылығы тек ауыл ғана емес, ауданның гүлденуіне күш салуда. Жуырда мұнда жылыжай ашылды.

Мамандар ақпан айында голландиялық әдісті қолданып, 4 гектар жерге қияр отырғызып, іс бастаған. Жылыжайда 75 адам жұмыс істейді. Барлығы - ауыл тұрғындары. Еңбеккерлер өзге жақтан емес, өз ауылдарынан жұмыс тапқандарына қуанышты.

Ауылдық округте жалпы саны 11 кәсіпорын бар. Сондықтан болар, мұнда жұмыссыз жүрген жан жоқ.

Сәкен СЕЙІТХАНҰЛЫ