Петропавлда «Ақылды аялдама» қызмет көрсете бастады

Қысы қаһарлы келетін Петропавлда «Ақылды қала» бағдарламасы аясында ерекше  аялдама салынды. Іші қыста жылытылады, ал жазда салқындатылады.

«Ақылды аялдаманың» ішінде интернет, жарнамалық-ақпараттық стенд пен автобустарды бақылап отыратын монитор орнатылған. Құны -  9 миллион теңге.

Аялдама толықтай бейнебақылаумен жабдықталған. Жыл соңына дейін жолаушылар көп шоғырланатын жерлерде осындай бірнеше аялдама салу жоспарланып отыр.

Сағындық СӘБИТҰЛЫ