Жаңалықтарды Telegram арнамыздан оқыңыз!Алматыда мүмкіндігі шектеулі балаларға қайырымдылық көрсетілді. Түріксіб ауданындағы №84 мектепте оларға арнап жаңажылдық мерекелік концерт ұйымдастырылды.
Мүмкіндігі шектеулі және жағдайы нашар отбасыдан шыққан жалпы саны 200 балаға сыйлық табыс етілді. Сондай-ақ, шараға қатысушылар тақпақтарын айтып, Аяз ата мен Ақша қардан да түрлі сыйлықтар алды.
Қоғам өмірінен тыс қалмай өздеріне деген құрметті сезінген балалар ризашылықтарын білдіріп, шат-шадыман күйге бөленді. Ал, шараға келе алмаған кемтар балалардың үйлеріне Аяз Ата мен Ақшақар арнайы барып сыйлықтарын үлестіреді.
Нұрлан НАУРЫЗАЛИЕВ
