Жаңа теміржол ауылға жаңа серпін береді

Еліміздің батысы мен шығысын байланыстырған «Жезқазған – Бейнеу» теміржолы Ақтөбе облысындағы Шалқар ауданы үстімен өтеді. 255 шақырым жол бойында жаңадан ауылдар бой көтерді.

3 станция мен 6 разъезд қалыптасты. Байқадам, Бегімбет, Шүкір мен Көпмола ауылдарының тұрғындары еңбекпен қамтылуда. Жаңа шойын жол желісі ауылдарға жаңаша реңк бермекші. Әлеуметтік нысандар бой көтеріп, ауыл көркейеді.

«Жезқазған-Бейнеу» теміржолы отандық өнімнің халықаралық нарыққа шығуын қамтамасыз етеді. Жол тармағының Ақтөбе облысының үстінен өтуі өңірдің транзиттік әлеуетін күшейтіп, экономиканың дамуына ықпал етеді. Бастысы,  аудан көркейіп, ауыл гүлдене түседі.

Әлия ТАЛАСОВА