Түнде Алматыда жер сілкінді

Бүгін, Алматыда түнгі сағат 3:42 шамасында магнитудасы 5,2 балдық жер сілкінісі тіркелді.

Еуропалық-Жерорта теңізі сейсмикалық орталығының (EMSC) мәліметі бойынша, жерасты дүмпуінің ошағы қаланың шығысында 41 шақырым жерде, шамамен 5 шақырым тереңдікте орналасқан. 

АҚШ-тың геологиялық қызметі (USGS) 5 магнитудалық жер сілкінісінің кіндігі Алматыдан оңтүстік-шығысқа қарай 48 шақырым қашықтықта, эпицентрі – 28 шақырым тереңдікте болған деп хабарлады.

Жер сілкінісінен зардап шеккендер туралы ақпарат жоқ.

Айбар Жақсыбай