Жаңалықтарды Telegram арнамыздан оқыңыз!Семейлік «Жас Отан» жастар қанатының мүшелері «Ардагерлерді ардақтайық!» атты акцияны қолға алды. Белсенді жастар жалғызілікті ардагерлер мен қарттар үйлерін аралап, олардың мұң-мұқтажымен танысты.
Зейнеткерлерге медициналық көмек көрсетіп, үй шаруашылықтарына қолғабыс етті. Отын-суларын тасып, аулаларда қыс бойы жиналған қарды тазалады.
Мұндай шараны «жасотандықтар» соңғы 2-3 жылдың көлемінде үзбей өткізіп келеді. Аға буын өкілдері жастардың қамқорлығына шексіз риза.
Дмитрий Цупа, соғыс ардагері:
Жастардың көмегі - бізге үлкен демеу. Оларсыз біз не істер едік?! Жақсы іс жалғасын тапса. Балаларға көрсеткен көмектері үшін алғыс айтамын.
Ержан ЖАҚЫП
