Ресейлік 6 хоккейші Олимпиада ойындарынан аластатылды

Халықаралық Олимпиада комитеті ресейлік 6 хоккейшіні Олимпиададан өмір-бақи аластатты. Олар 2014 жылғы Сочи ойындары кезінде допинг қабылдады деп айыпталған. Ойындардан шеттетілгендердің алтауы да әйел хоккейшілер. Осымен допинг дауына қатысты мәңгілікке Олимпиададан аластатылған ресейлік спортшылардың саны 30-дан асты. Бұдан бір апта бұрын Халықаралық Олимпиада комитеті Ресей атлеттерін келесі жылы Оңтүстік Кореяда өтетін қысқы ойындарға қатыстырмау туралы шешім қабылдаған еді. Енді көршілес елдің спортшылары шараға бейтарап атлеттер ретінде қатыспақ.

Арай ТӨЛЕГЕНҚЫЗЫ