Тәуелсіздік күні Қуат Хамитов Қазақстан халқына жеңіс сыйлады

16 желтоқсан күні Мәскеуде  Fight Nights Global  жүйесі бойынша қазақстандық аралас жекпе-жек шебері Қуат Хамитов ресейлік Гаджи Рабадановпен шеберлік байқасты. Жекпе-жек 3 раундқа созылып, отандасымыздың қылқындыру әдісі арқылы жеңіске жетуімен аяқталды. 

Бұл кездесу - «Найман» деген лақапатқа ие спортшының кәсіби мансабындағы 25-ші жекпе-жегі. Соның 20-сында жеңіске жетіп, төртеуінде есе жіберсе, тек біреуінде тең түскен.

Бұл кеште тағы бір қазақстандық  аралас жекпе-жек шебері  Жұман Жұмабеков өнер көрсетті. Өкінішке орай, ол жекпе-жекте қарсыласы -  ресейлік Никита Чистяковтан жеңіліп қалды.

Жекпе-жектерді тікелей эфирде көрсеткен «Kazsport» телеарнасы.