Қазақстандық палуан Нұрлан Бекжанов Әлем чемпионатында екінші орын алды

Олимпиадалық емес салмақ категориялары бойынша Будапештте өтіп жатқан Әлем чемпионатында қазақстандық палуан Нұрлан Бекжанов еркін күрестен күміс медальға ие болды, деп хабарлады РИА «Новости».

70 кг салмақ дәрежесіндегі финалдық кездесуде ол ресейлік Мухаммад Курбаналиевке 8:4 есебімен жол берді. Ал, үшінші орынды қырғызстандық Эламан Догдурбек-Уули мен ирандық Мустафа Хоссейнхани еншіледі.