Жаңалықтарды Telegram арнамыздан оқыңыз!Солтүстік Қазақстанда жасөспірімдер арасында бокстан облыстық чемпионат өтті. Оған өңірдің барлық аудандары мен Қостанай және Ақмола облысынан келген 112 спортшы қатысып, шаршы алаңда бақтарын сынады.
Бұл жарыстың басты ерекшілігі, алғаш рет Ғабит Мүсірепов ауданының орталығында өткізілуінде. Соңғы жылдары елімізде спортты дамытуға баса назар аударылатындықтан, ауылды жерлерде секциялар жұмыс істеуде.
Бұл балалардың теріс жолға түспей, салауатты өмір салтын ұстануға сеп болып отыр. Жас спортшылардың өнерлерін байқауға келген спорт саңлақтары сәттілік тілеп, шеберліктерін бағалады. 4 күнге созылған тартысты бәсеке барысында алаң иелері, мүсіреповтік спортшылар 10 алтын, 7 күміс, 9 қола медаль жеңіп алды.
Сағындық СӘБИТҰЛЫ
