Жаңалықтарды Telegram арнамыздан оқыңыз!Оңтүстік Кореяның Инчхон қаласында өтіп жатқан Азия ойындарында ауыр атлетика жарысы аяқталды.
Ең ауыр салмақта (+105 келі) сынға түскен қазақстандық Ибрагим Берсанов төртінші орынға тұрақтады. Ол екі сайыста 422 келіні көтерді.
Бұл бәсекеде Иран спортшысы Бехдат Салимиге тең келер ешкім болмады. Ол жұлқа және серпе көтеруде, сонымен қатар қос сайыс қорытындысы бойынша Азия ойындарының рекордын жаңартты. Ирандық атлет 465 келіні бағындырды.
Екінші және үшінші орынды қытайлық Юнан Ал мен тайпейлік Чиен Ши Чен иемденді.
