Қазақстандық дзюдошылар қола медаль үшін татамиге шығады

Инчхонда өтіп жатқан Азия ойындарында дзюдодан Қазақстан әйелдер құрамасы ширек финалда Қытайлық Тайпэй спортшыларын 4:1 есебімен ұтып, жартылай финалға шыққан болатын.

Татамиге алғаш шыққан 52 келі салмақтағы Айгүл Байқұлева қарсыласынан ұтылып қалған болса, Назгүл Құбашова (57 келі), Мариан Ордабаева (63 келі), Динара Құдарова (70 келі), Альбина Амангелдиева (70 келіден жоғары) жеңіске жетті.

Ал, жартылай финалдық бәсекеде Қазақстан құрамасы Жапония дзюдошыларынан 0:5 есебімен ұтылып қалды.

Енді Қазақстандық дзюдошылар қола медаль үшін Солтүстік Кореямен кездесу өткізеді.