Инчхон-2014. Зілтемірші Карина Горичева Азия ойындарында 4-ші орында

Инчхонда өтіп жатқан Азия ойындарында әйелдер арасында ауыр атлетикадан 69 келі салмақ дәрежесіндегі жарыс аяқталды.  

«А» тобында сынға түскен қазақстандық спортшы Карина Горичева екі сайыс нәтижесінде 247 келі көтеріп, Азия ойындарында 4-ші орын алды.

Айта кетейік, қола медаль алған Солтүстік Корея елінің өкілі де 247 келі көтерді. Алайда, оның салмағы Каринаға қарағанда жеңілдеу. Ал бұл жарыста әлемдік рекорд (261) орнатқан тайпейлік Чи Зу Линге ешкім тең келе алған жоқ.

Ауыр атлетика. Әйелдер. 69 келі. Инчхон (Оңтүстік Кроея)

1. Чи Зу Лин (Тайпей) – 261 (116+145) (әлемдік рекорд)
2. Уей Денг (Қытай) – 259 (115+144)
3. Пок Хянг Жо (Солтүстік Корея) – 247 (107+140)
4. Карина Горичева (Қазақстан) – 247 (111+136)