Инчхон-2014. Андрей Могилевский стендтік оқ атудан қола медаль ұтып алды

Стендтік оқу атудың «трап» жарысының іріктеу кезеңінде 5-ші орын алған (119 ұпай) Андрей Могилевский жартылай финалға өткен болатын. Андреймен қатар сынға түскен Ливан, БАӘ, Кувейт және екі Қытай спортшысының арасынан ливандық Фехайд әль-Деехани мен қытайлық Бо Гао алтын жүлдеге таласты.

Ал Андрей Могилевский ливандық әль-Наджар Уәлидпен қола медальды сарапқа салып, 14:8 есебімен жеңіске жетті.  

Ал, Қазақстан құрамасының мүшелері Виктор Хасянов 46 спортшының арасынан 19-шы, Максим Коломеец 38-ші орын алды.

Стендтік оқ ату. Трап. Ерлер. Инчхон (Оңтүстік Корея)

1. Бо Гао (Қытай)

2. Фехайд әль-Деехани (Кувейт)

3. Андрей Могилевский (Қазақстан)  

19. Виктор Хасянов (Қазақстан) — 114

38. Максим Коломеец (Қазақстан) — 107.