Жаңалықтарды Telegram арнамыздан оқыңыз!Инчхонда өтіп жатқан Азия ойындары қазақстандық дзюдошылар үшін сәтті басталды. 60 келіде Елдос Сметов «алтын» алса, 66 келіде Азамат Мұқанов пен 52 келіде Ленария Меңғазова қола медаль иеленді. Ал 48 келіде белдескен Айгүл Байқұловаға жүлделі орынға бір қадам жетпей қалды.
Бүгін Азия ойындарының жүлдесіне бес қазақстандық дзюдошы таласады. Алдымен татамиге бірінші болып 57 келі салмақта Назгүл Құбашева шығады. Оның іріктеу кезеңіндегі қарсыласы - Ом Понгчалие (Таиланд).
Ал 63 келі салмақта Мариан Ордабаева келесі кезеңге өту үшін қырғыз палуаны Гүлжаз Саимованы жеңуі тиіс. 1/18 айналымда Динара Құдарова (70 келі) түркімен қызы Насиба Суркиева белдеседі.
Ерлер бәсекесінде алдымен 73 келі салмақта Дастан Ықыбаев сынға түседі. Оның 1/18 финалдағы қарсыласы - Гилберт Рамирез (Филиппин). 81 келідегі Әзиз Қалқаманұлына индонезиялық Путу Вирадамунга Адеста қарсылас атанады.
Фото: www.thehindu.com
