Астана көгінде әскери ұшақтар жаттығады

Елордада халықаралық деңгейдегі ауқымды саяси іс-шараларға дайындық басталды. Осыған байланысты 5-7 қараша аралығында Астана көшелерінің жекелеген бөліктерінде көлік қозғалысы уақытша шектеледі. Қауіпсіздікті қамтамасыз етуге арнайы мемлекеттік органдар, құқық қорғау күштері мен Қарулы Күштер жұмылдырылады. Осыған орай Мемлекеттік күзет қызметі Астана көгінде әскери авиацияның оқу-жаттығуы жоспарланғанын хабарлайды. Сондықтан тұрғындар мен қала қонақтарын уақытша шектеулерге, қауіпсіздік шараларына түсіністік-құрметпен қарауға шақырды.