Сантьяго көшелерін лай басты

Чили астанасы Сантьяго көшелерін лай басқан. Бұған үздіксіз нөсер кезінде болған алапат су тасқыны себеп болды. Көліктер лайға батып, тұрғындардың дүние-мүлкіне зақым келген. Тасқын автомобильдерді, қоғамдық автобустарды шайып әкетіп, үйлерді, ауруханаларды, мектептерді су басқан. Тұрғындар қауіпсіз жерлерге тікұшақтармен көшірілді. Мамандардың айтуынша, табиғи апатқа Эль-Ниньо құбылысы себеп болып отыр. Ол өңірге мөлшерден жоғары ылғал, екпінді жел мен дауыл әкелген.