Президент Түрікменстанда өтетін VIII Консультативтік кездесуге қатысады

Президент Қасым-Жомарт Тоқаев Орталық Азия және Әзербайжан мемлекеттері басшыларының сегізінші Консультативтік кездесуіне қатысу үшін Түрікменстандағы «Аваза» кешеніне барды. Мемлекет басшысын Түрікменстан Президенті Сердар Бердімұхамедов күтіп алды. Консультативтік кездесулер бастапқыда Қазақстан, Қырғызстан, Тәжікстан, Түрікменстан және Өзбекстан басшыларын біріктірген. Былтыр Әзербайжан толық құқылы қатысушы ретінде тіркеліп, ынтымақтастық аясы кеңейді.