Қазақстан мен Бавария: Іскерлік және технологиялық серіктестікке серпін беріледі

Мемлекет басшысы Бавария Премьер-министрінің орынбасары, Экономика, өңірлік даму және энергетика министрі Хуберт Айвангермен де кездесті. Әңгіме барысында Қазақстан мен Бавария арасындағы іскерлік және технологиялық серіктестікті кеңейту мәселелері талқыланды. Президент Бавария Қазақстанның негізгі экономикалық серіктестерінің бірі екенін атап өтіп, сауда-саттықты арттыру, инвестиция тарту және бірлескен жобаларды іске асыру үшін әлеует мол екенін айтты. Тараптар жоғары технология, өнеркәсіп, энергетика, инновация және өңірлік даму салаларындағы ынтымақтастыққа баса мән берді.