ЖИ-агенті үкімет веб-сайтын бұзып кірген

OpenAI компаниясының ЖИ-агенті Австралия үкіметінің веб-сайтын бұзып кірді. Бұл туралы осы елдің премьер-министрі Энтони Албаниз Нью-Йорктегі БҰҰ -ның жиынында мәлімдеді. Оқиға үш ай бұрын, яғни маусымда болған. Алайда OpenAI Австралия үкіметіне бұл туралы тек жақында хабарлаған. Жасанды интеллект негізіндегі агент үкіметтің денсаулық сақтау саласына қатысты порталға заңсыз кіріп, ондағы ашық және жабық мәліметтерге қол жеткізген. Мұның қатарында азаматтарға қатысты жеке ақпарат бар ма, жоқ па – ол жағы әзірге белгісіз. Оқиға қазір тергеліп жатыр.