Ақмола облысында мемлекеттен ₸50 млн жымқырған

Ақмола облысында ірі қара мал саны туралы жалған ақпарат енгізіп, 50 млн теңге көлемінде мемлекеттік субсидия алған ауылшаруашылық кооперативінің басшысы үйқамаққа алынды.

Ол аудандық ветеринариялық станциясының басшысымен бірігіп, ақпараттық жүйеге 57 асыл тұқымды бұқа бар деген жалған мәлімет енгізген. Кейін осы деректерге сүйеніп, селекциялық жұмыстарға да қаржы алған. Сондай-ақ Көкшетау қалалық прокуратурасы құны 70 млн теңге болатын заңсыз берілген 10 жер учаскесін мемлекетке қайтарды. Бұған дейін қала көшелерін жарықтандыру жобасының құнын негізсіз көтергені әшкереленіп, бюджетке 126 млн теңге қайтарылған болатын.