Silk Way Star байқауының екінші маусымы басталды

Қытайда Silk Way Star халықаралық музыкалық байқауының екінші маусымы басталды. Байқауға 12 елден өнерпаздар қатысып жатыр. Еліміздің намысын Рухия Байдүкенова қорғады. Ол қазақтың халық әні «Бұлбұлды» орындап, байқаудың алғашқы турының жеңімпазы атанған еді. 

Жобаның алғашқы шығарылымы CCTV-3 және CCTV-15 телеарналарында, сондай-ақ CCTV.com мен CCTV Arts цифрлық платформаларында көрсетілді. Халықаралық музыкалық жобаны Қазақстан Президентінің Телерадиокешені China Media Group компаниясымен бірлесіп жүзеге асырып келеді. Байқау әр елдің өнерпаздары мен музыкалық дәстүрлерін бір сахнада тоғыстыруды көздейді. Айта кетейік, Silk Way Star байқауының 2025 жылғы алғашқы маусымында Моңғолиядан келген Мишель Жозеф жеңімпаз атанған.