Жер қойнауын геологиялық зерттеуге ₸240 млрд қарастырылған

Алдағы үш жылда жер қойнауын геологиялық зерттеуге  240 млрд теңге қарастырылған. Енді бұл бағытта тың идея мен жаңа жоспарлар керек. Бұл туралы Атырауда өтіп жатқан «KAZDRILLING-2026» конференциясында сөз болды. Еліміздегі алпауыт мұнай компанияларының басын қосқан жиынға ҚР ҰКП «Атамекен» Президиумының төрағасы Қанат Шарлапаев пен ҚР Энергетика вице-министрі Ерлан Ақбаров та қатысты. Сарапшылардың айтуынша қазір көпшілікке мұнайдың сатылып жатқаны ғана белгілі. Ал оның артында тауарға айналғанға дейінгі процестерге көп мән беріле бермейді. Енді кәсіпорындар сейсмиканы, геологияны және бұрғылау саласын дамытуға бет бұруы тиіс.

Қазіргі таңда бұрынғы ата заманғы геологиялық зерттеулердің ақпараты жарамайды. Космостан алу керек. Екіншіден жеңіл мұнай дәуірінен өттік. Қазір біз ауыр мұнай алуға көштік. Өйткені Қазақстанның өзінде қазіргі таңда ең терең ұңғыма 7 мың метрден төмен.

Елімізде геологиялық барлауды реттейтін кодекс бар. Бірақ кодекстар және басқа да заңнамаларды жақсартатын жерлері бар. Соны біз компаниялар, сарапшылар болып талқылап жатырмыз.